Ym shym mynjur ka sorkar India ban pyntreikam ia ka CAB, da ka bor U President

New Delhi: Ka sorkar jong U Narendra Modi, ka la buh noh shwa sharud ia ka ain Citizenship Amendment Bill, hynrei, ka la mynjur ia saw tylli kiwei pat ki ain ban mynjur da U President kum ki Ordinance.

Ka la don ka jing iakren ba lehse ka sorkar India, kan pyn treikam ia katei ka ain buhai shnong ki poiwir, kum ka Ordinance, hynrei ka jingialang ka kynhun myntri, kam shym la mynjur satia ban ai jingmut ia U President, ba un pynmih hukum kum ka Ordinance.

Katei ka bill, mynta kan nym trei kam shuh, namar ba ka la ioh tang ia ka jingmynjur jong ka Lok Sabbha, katba kam shym la ioh satia ia ka jingmynjur jong ka Rajya Sabbha.