|
Shillong: Ka Hynñiewtrep Youths’ Council Sohïong Circle lyngba ka Sier Lapalang Operation hapoh ka jing ïalam jong u President Samla Purningstar Shabong bad u General Secretary Samla Hamarbamut Thabah, ka la pynher krad ïa 9ngut ki bar jylla kiba trei ha ka Power Grid Corporation of India ha Umsohïong kiba khlem don ki kot ki sla. Haba kren ha kane ka sngi, na ka liang jong u Purningstar Shabong ula ong ba ka Seng kan ym ailad ïa kino kino ki bar jylla kiba wan trei sha kine ki thaiñ khlem ki kot ki sla kiba biang bad ha shwa ba ka company kan ai trei ïa ki nongtrei ka dei ban pynbiang shwa ïa ki kot ki sla kiba donkam.
 Ula kyntu ruh ïa ki paradoh para snam Khasi ba kin pyntbit ïalade ha ki kam ban trei la ha kino ki kam bad ula ong ruh ba ka jing ong ki samla ba ba kim ïoh kam ïoh jam ka dei ka nia ba shu thaw khlem da peit bniah namar kat kum ka jing lap jong ka seng ka kam na ka bynta ki samla ka bun haduh katta katta lada khang lad ïa ki bar jylla kiba wan trei beaiñ sha kane ka jylla jong ngi bad ula ong ruh ba na ka liang jong ka seng ka long kaba la kloi ha ka ban ïa peit lem ha kaban pynïoh kam pynïoh jam ïa ki samla bad kan ïai khynra na ki por sha ki por khlem shong thait.
Ula ban jur ruh ïa ka sorkar ba ka dei ban pyntrei kam noh mardor ïa ka ILP khang ban khalng lad ïa kine ki bar jylla kiba wan ban bsuh khlieh sha kane ka jylla,lyngba ki kam bylla bad kiwei kiwei kiba khlem don ki kot ki sla kiba biang. Ula kren da kaba shai, lada na ka liang jong ka sorkar kam lah ban pyntrei kam noh mardor ne ka dang pynslem ban pyntrei kam ïa ka ILP, hynrei na ka liang jong ka seng kan ym shongthait ban khynra bad ban beh ïa ki bar jylla ne bar ri ki bym don ki kot ki sla kiba biang bad ruh ban ym ailad ïa ki bar jylla kiba wan trei shane haba lah don ki Khasi kiba lah lah ban trei ïa ka kam. Ei ban tip ïohba kine ki briew kim dei ki nong India ne ïoh ba ki dei ki riew beaiñ ne ki riew sniew haba kim don ki kot ki sla kiba biang, la bynrap u Samla Purningstar Shabong.
|
Phi don ban ong eiei?