Kyrshan ka HYC ia u MLA ka Rambrai ban beh Nepali

Shillong: Ka HYC lyngba ka kyrwoh khubor na u Vice President jong ka u bah Donboklang Kharlyngdoh ka la pynpaw ba ka kyrshan ia ka jingkren jong u MLA ka Rambrai u bah Kimfa Sidney Marbaniang ba ki Nepali ki dei ban leit phai noh sha Nepal. “Ngi kyntu ia u MLA ba un rah da ka rai ha iing dorbar thaw-aiñ ba ka Meghalaya kan beh noh ia ki Nepali na kane ka jylla da kaba wanrah da u snem ot kyrteng lyngba ka NRC bad ban pyntreikam ia ka ILP” ong ka kyrwoh khubor.
Ka HYC ka kyntu ruh ia u bah Kimfa ban wanrah da ka rai ban pynkut noh ia ka Indo-Nepal Treaty ba ki Nepali kin duh ia ka hok ban long nong India lada ki wan poi wir sha ka jylla Meghalaya. Katei ka seng ka la maham ia ki Nepali ba kim dei ban thombor ia ki khun Hynniewtrep lym kumta ka la ong ba kan mih ka jingiaumsnam hapdeng ki Hynniewtrep bad ki Nepali. Katei ka seng ka la kren sngewkhia halor ka jingbym biang u pud u sam hapdeng ka Meghalaya bad Assam.