Kwah pynkylla ain ka SOMALA

Shillong,28 Lber:
Ka SOMALA ka la kyrpad na ka sorkar jylla ba kan pynkylla ia ka Land Aquisition Act 2013 katkum ki jingthmu ka Sixth Schedule kaba iada ia ka khyndew ka shyiap bad ban pynsangeh shipor ban pyntreikam ia ka Land Aquisition Act 2013 haduh ban da pynkylla ia katei ka ain namar ka jingbit jingbiang u paidbah. Ka SOMALA ha ka kyrwoh ba la pyllait paidbah da u bah W.Anthony Convener ka la kyrpad ia ka KHADC ban ia kren bad ka sorkar jylla ban leh kyrkieh ia ki jingai jingmut u Myntri Rangbah Duh ka Ri. Ka SOMALA ka la pynkynmaw ba ha ka 24tarik Risaw 2011, ka la phah jingthoh sha u MRD ban pyllait ia ka Meghalaya na ka Land Aquisition Bill 2011 kaba mynta ka la long ain, bad ka la ioh ruh ia ka jubab na u MRD ha ka 17tarik Kyllalyngkot 2012 ba ka Land Aquisition Act ka dei ka Concurrent subject bad ka sorkar ka lah ban phah kylla ia ka ain, katkum ka jingsngewbit da kaba phah pynkylla ia ki bynta ka Land Aquisition Act.