|
Shillong: Ka kynhun ia lehkai bol jong ka Group Aiom Ksiar kaba lah mih khmat na Meghalaya ban leit shim bynta ha ka Sony Pictures National Unity Inclusion Football Tournament, kaba lah sdang naduh ka 13tarik mynta u bnai hapoh Mumbai ka lah lah ban poi sha duh ka final, hynrei ka lah shah rem noh ha khmat ka jylla Jamu and Kashmir lyngba ka tie breaker da 4-3 goal hynnon ka janmiet. Ia kane ka Team la coach da u president Samla Balanus Mawroh, secretary Samla Jonas Lynshiang bad U chairman uba long ruh u manager Samla Muthok Khongmawloh. Kito player ki ba la leit ban shim bynta ki kynthup ia U Jeser Khongtim, Raja Khongsdier, Korbaz Lynshiang, Bensilus Nongrum, Aibhalang Khongngoid, Rockystar Khongwet, Hunstar Khongsdier bad Witness Nongsteng.
 Na ka liang ki nong pyniaid jong ka Group ki pynpaw ka jing kmen bad jing sarong wad lada kim shym lah ban rah ia ka thong namar kadei ka sien kaba nyngkong naka bynta jong ki ban leit shim bynta sha kane ka lympung bad ban poi sha duh ka final. Ka long ruh ka burom na ka bynta ka jylla bad ka jait bynriew. Shuh shuh ka ai khublei kitbok kit rwiang ia ar ngut ki khynnah ka jylla kiba lah shah jied ban leit shim bynta sha ka Homeless World Cup kaba pynlong ha Cardiff City ha u bnai August kiba kynthup ia u Bensilus Nongrum(20) na ka shnong Tangmang bad Aibhalang lang Khongngoid(17) na ka shnong Myllat.
Na ka liang U president jong kane ka Group Samla Balanus Mawroh, u ba lah coach ruh iaka team u la ong ba ia kane ka Aiom Ksiar Group la seng naduh u snem 2015, na ka bynta ban kyntiew iaka sap ka phong jong ki khynnah ym tang ha ka football hynrei naduh ka put ka tem ka rwai ka siaw da kaba ki juh buh ia Ka One Month winter camp programme ha u bnai January man la u snem ha ka shnong Nongjri Pungweikyian kaba hap hapoh Nongjri Elaka, East Khasi Hills District. U la ong ruh ba ka Group kan iai wad ki lad ki lynti ban sei shabar ia ki riew donsap lyngba kane ka Group.
|
Phi don ban ong eiei?