Shillong: Ka Khasi Students Union Laskein Circle myn hynnin ka sngi ka la leit ia kynduh ia ka Branch Manager ka State Bank of India Raliang Branch, halor ka jingujor ba la ioh naki paidbah ba katei ka tnad ka la pan ia u Adhaar Number na ki paidbah ba mut wan plie Account ha katei ka Bank. Hadien ba la ioh jingujor, na ka liang ka KSU Laskein Circle hapoh ka jingialam u samla Balawan Suchiang President, bad u samla Peter Ram Sutnga General Secy ka seng ki la leit ban pan jingpynshai na ka Branch Manager katei ka tnad.
Ha ka jingiakren bad katei ka heh duh jong katei ka tnad, ki nongialam ka Seng ki la pynpaw iaka jingsngewkhia ia katei ka jingpan Adhhar No katei ka tnad, namar ka long pyrshah iaka hukum jong ka Supreme Court. Na ka liang jong ka Branch Manager ka ong ba na liang ka ophis jong ka, ka khlem pan ne ka khlem ai bor ia ki nongtrei ban pan Aadhar Number, hynrei kane baroh ka mih ka dei na ka jingleh stad bad leh thurmur jongki nongtrei. Ha kaba iadei bad kane naka liang ka Seng ka kyntu ia ki paidbah kim dei ba ai ia u aadhar number sha ki Bank bad lada ki bank ki dang bteng ban pan na ka liang ka Seng kam banse ban iaid shakhmat.
Phi don ban ong eiei?