Phah tohkit halor ka jingmynsaw na ka jingiaid ka KSU halor ka CAB

Shillong: U Myntri Rangbah ka jylla u Conrad K Sangma u la ong ba u la bthah ia u DGP ka jylla ban pynlong ia ka jingtohkit halor ka jingmynsaw jong ki katto katne ki briew na ka jingiaid paidbah ka KSU ha ka por ba pulom ka Citizenship Amendment Bill (CAB) 2016 ha Shillong dang shen.
Haba kren sha ki lad pathai khubor myn hynnin ka sngi, u la ong ba u la phah ia u DGP ban tohkit ia kane ka jingjia bad ka ain kan iaid la kajong ka lynti.
“Ngi sumar ia baroh ki nongshong shnong ka jylla bad nga sngew ba ka long kaba donkam ia ka sorkar ban pynthikna ia ka shong suk shong saiñ”, u la ong.
U la ong ba ia kane ka kam la rejister da ki pulit bad ka la iaid shaid shaid shakhmat ban wad ia kiba donkti ha kane ka kam.”Nga la kren ia u DGP bad ka la bthah ia u ban tohkit halor kane ka jingjia”, u la ong.