Shillong: Ka kol kaba la thep da u Kynsaibor Lhuid ka la pynlong ia ka Meghalaya ban ioh rung sha kawei pat ka kylla jong ka lympung Santosh Trophy na ka Group A ka North East Qualifiers Zone. Ka Meghalaya ka la pynliem ia ka Mizoram da 1-0 kol mynta ka sngi ha ka jingiakhun ba long ha sor Aizawl.
Ka Mizoram ka dei kawei ka kynhun kaba la poi sha ka semi phainal ha kine ki snem ha kane ka lumpung hynrei ka la shah rem ha ka Meghalaya ha kane ka kynti. Ia ka kynhun na Meghalaya la ialam da u coach u bah Khlain Pyrkhat Syiemlieh.
Ka Meghalaya ka la ioh rung hadien ba ka la jop ruh kham mynshwa ia ka Tripura da 3-0. Ka jingioh rung ka Meghalaya ka long hadien ba ka Mizoram ka la pynliem ia ka Tripura da kajuh ka jingkhein kol.
U rang ialehkai ka Meghalaya u Lhuid u la thep ia kane ka kol kaba kongsan bha ha ka minit kaba 30.
Da kane ka jingjop, ka Meghalaya ka la pynkhreh ban jam sha kawei pat ka jingialehkai jong kane ka lympung.
Phi don ban ong eiei?