Shah pdiang burom ki nongialam sain pyrthei bad NESO ba pulom ka CAB

Shillong:Ki nongialam jong ki seng sain pyrthei na kane ka dong shatei lam mih ngi jong ka Ri India hapoh ka jingialam jong u Conrad K Sangma myntri rangbah ka jylla Meghalaya myn hynnin ka sngi, ki la shah pynkup burom ha ki paidbah ha kadliengsuin ha Guwahati hadien ba ki la wan phai na nongbah Delhi.

Kane ka jingwan phai jongki, ka long hadien ba ka Citizenship Amendment Bill (CAB) 2016 kaba la iakhun dohiap ka BJP ban pynlong ain, kam shym la urlong hadien ba la pyrshah jur da ki jylla ka dong mihngi ha kaba u Myntri Rangbah ka Meghalaya u Conrad K Sangma u ialam nakhmat.
Ki nongialam seng bhalang kiba hap hapoh ka North east Students Organisation (NESO), kum ka KSU bad kiwei ki la pynlong ia ka jingpynkup burom bad pdiang ia ki nongialam ka NESO kynthup ia u chairman u bah Samuel Jyrwa. Kumjuh ki paidbah na Assam ki la pdiang burom ia ki nongialam ka Asom Gana Parishad.
Ka CAB, 2016 ka la pulom khlem long ain hadien ba ka la shah rem ha ka hapoh Rajya Sabha.
La pynlong ia ka jingpdiang burom ia ki nongialam ha ryngkat ka ksieng ka dhah.
Ha kane ka sngi da ki bun spah ngut ki nongkyrshan jong kine ki ar tylli ki party kila tem ia ka ksieng ka dhah ha katei ka jaka ban pdiang burom ia ki nongialam ba ki lah ban pynsangeh ia ka CAB kaba ki paidbah jong ka dong shatei lam mihngi jong ka Ri India kim pdiang da lei lei ruh ia ka.
Ki nongialam naduh na ki seng bhalang, seng samla pule bad ki seng sain pyrthei ki la shim ba kane ka dei ka jingjop jong ki paidbah ka dong mihngi baroh kawei.