Kyrpad ka HPSO ban noh jingiarap ia ki lanot eriong

Shillong, Lber 26:
Ka Hynniewtrep People Social Organisation West ‘Khasi Hills District kum kawei na ki sengbhalang ha poh ka thain ka dap da ka jingsngewkhia ia ki paradoh parasnam kaba la jia ha ka jingshah ktah ha u eriong ha ka 19 tarik mynta u bnai ha ki shnong kiba haphapoh ka thain umyiap ha kaba saw ngut ki mynsiem kordor ki la duh noh ia la ka jong ka jingim bad kiba bun kiba mynsaw kiba duh ia ki iing ki sem.
Na pdeng kine kiba la shah ngat ha kane ka jinglynshop jong ka mariang, ki don na ki katto katne ki bym don shuh wat ki jain ki nep ki tiar ki tar namar kane ka jingjia kumta na ka liang ka seng ka buh ka jingkyrpad ia baroh ki nongshong shnang hapoh ka bri Hynniewtrep la ki riewshimet, ki seng bhalang bapher bapher ki seng mon trei sngewbha ki nongmihkhmat bapher bapher ka seng ka buh ka jingkyrpad baphin sngewbha iapeit lem lane kyrshan lem ia kitei ki lanot.
Kumjuh na ka liang ka seng ka buh lem ha ka jingduwai ba u Blei un pyntgnen bad don ryngkat lem bad kitei ki longing kiba la duh noh ia la ki jong kiba ha iing ha kane ka jingjia pynkut ka kyrwoh na u Wanteibok Lyngdoh President Hynniewtrep People Social Organisation West Khasi Hills.