|
Dayoomonmi Bareh
Shiliangmyntang WJH
1. Ka pisa ka dei ka daw bah,
Ïa nga ïa phi ba pynmat-lah;
Haba ka shong kulai hu briew,
Um kheiñ shuh ïa ka bha ka sniew.
2. Haba pisa ka don ha pla,
Jingmut u briew ka pynlyng-a;
Thied beit katba ïohi ba kwah,
Wat ban pyndonkam ruh ym lah.
3. Khamtam ha ki por elekshon,
Da ka pisa ki pah ki phon;
U briew ba khwan myntoi shimet,
Lawei ka Ri u kloi ban klet.
4. Husiar Husiar ko lok baieit,
Shi khyllip-mat wat shah pynbiej;
Lawei ka Ri ka Shnong ka Thaw,
Da burom sa shisien kan paw.
|
Phi don ban ong eiei?