Shah lute T.2.5 lak, dei ka pisa ba dang shu dep die bri kwai

Shillong: 5 ngut ki briew ki briew ki la mynsaw kynthup ia 3 ngut ki longkmie ha ka jingshah thombor bad shah lute kaba la jia ha ka shnong Rongchandalgre kaba hap hapoh Phulbari PS kaba ha West Garo Hills. Ki runar ki la lute T.2.5 lak tyngka bad katei ka jia ha ka por shiteng miet ha ka por ba ka don ka jingpynlip ding.
2 ngut na kiba mynsaw jur ki long u Rajen Marak bad u khun jong u u Bikram M arak bad kitei ki la shah tied da ki kynja dieng bad ki nar rod, 3 ngut ki kynthei pat kiba la tip kyrteng kum ka Silkame M Marak, ka Chengche M Marak bad ka Samantha M Marak ki la mynsaw malu mala. Katkum ki khubor ba la iohlum la iathuh ba ki runar ki la wan da kawei ka Scorpio rong iong bad mar ia poi ki la tied naphang ia baroh bad ki la lute na katei ka ing jong u Rajen.
La ong ba ki don kumba 12 ngut eiei ki runar bad ki la rah da ki nar rod ryngkat ki wait tukri, ki para marjan kiba pyrshang ban wan iarap ki la shah shoh lang ha katei ka jingjia. Katei ka pisa kaba shah lute ka dei kaba u Rajen u dang shu dep die bri kwai. Ki pulit ki la sdang lap ksai halor katei ka jingjia bad ka jingtohkit ka dang iaid shakhmat.