Shah shoh 2 ngut ki khar Alumuri ha Standjeep ha ka kynhun ki samla Khasi

Shillong: Ki la don haduh kumba 30 haduh 40 ngut ka kynhun jong ki samla Khasi ki la leit tur kynsan puk ha ki thaiñ Stand Jeep, Iewduh- Shillong ha ka por 4:15 baje eiei mynta ka janmiet bad kitei ki samla beit beit ki la tur sha ki dukan madan jong ki bar jylla kiba die Alumuri bad kiba die Alu Shana. Ki paidbah kiba la iohi ia katei ka jingjia ki la iathuh ba tang mar ia poi hangta kitei ki samla ki la shoh ia kiarngutki bar jylla bad ki la pynpra ia ki synduk buh jingbam jong ki.
Kitei ki bar jylla ki la phet krad na katei ka jaka ha ryngkat ka jingmynsaw bad ym don shano ki don mynta. Hadien kumba katto katne minit kitei ki samla Khasi kiba da ki phew ngut ki la phet noh na katei ka jaka lyngba ki thaiñ Wahthapbru. Ka la don ka jingantad ba katei ka jingjia ka lah ban dei na ka daw ka jingbitar namar ka jingwanrah ia ka Citizenship Amendment Bill , 2016 ha Rajya Sabha mynta ka sngi.