Bam duh ka ding ia ka hotel ha Delhi, iap 17ngut ki briew

17ngut ki briew, ki la iap ei mynta ka step, haba ka ding ka la bam duh ia kawei ka hotel ha Karol Bagh ha Delhi, ha ka por dang step phyrngab.

Katei ka jingjia, ka dei ha ka hotel Arpit, kaba dei ka hotel, kaba khapngiah bha ha ki bynta jong ka Karol Bagh, ha kaba la iohi ba ka ding, ka la bam shngiam ia ka bynta ba sha jrong jong katei ka hotel.  Ka kmie bad u khun ruh, ki la iap lang, katba ki dang pyrshang ban kynthih na ka jingkhang iit, ban pyllait im ialade na katei ka jingpluh ding.

La iathuh ba ka don ka jingeh ban pyllait im ia kitei kiba sahkut, namar ba ki jingkhang, ki dei kiba thaw da ka dieng bad kumta, ka shitom ia ki nongiarap ban rung shapoh jong katei ka jaka kaba pluh ding.