Maham ka KKHA ia u bar jylla

Shillong, 25 Lber:
Ka Khun Kynthei Hynniewtrep Association (KKHA) ka la maham ia uwei u bar jylla uba la pyndik ia iwei I kong ba die brut hajan SBI, Mot phran ha kaba une u dkhar uba shong dukan ha Lalu Ram, u la pyndik.
Ka president ka KKHA Kong R Jyrwa ka la ong ba uwei u dkhar uba don dukan ba kyrteng ka Lalu Ram u la pyndik ia iwei I kong Khasi ba kyrteng Loti Kharsyiem iong iba die brut hakhmat jong kane ka dukan la 25 snem.
Mynta ka sngi, ha dien ba la shah beh, ine I kong I la wan ujor sha ka KKHA ha kaba ka seng ka la leit ban ai jingsneng syndon ia utei u bar jylla uba pan map noh bad kular ban nym pyndik shuh”, la ong ka kong Jyrwa.
Ka la ong ba une u dkhar u la bret lut ia ki tiar ba ine ki kong I la die naduh ka por myn step bad baroh shi sngi I la sah khuslai bad dei hadien ba I la ujor sha ka seng ba ka la leit ban maham ia utei u bar jylla ba u dei ban sangeh shi syndon ia ka jingpyndik lym kumta ka seng kan sa ai jingsneng kaba tyngeh, la ong ka kong Jyrwa.