Shillong: Ka Dorbar jong ka Dong Sawkyntoit Puriang ha ka 9 Tarik Kyllalyngkot 2019, ka la ioh ban iathir iatai sani bha ha kaba iadei bad ka elekshon MDC ba mynta u snem bad da kawei ka sur bad jingmut ka la rai ban kyrshan tylli ia u samla Kris kharsati u ba dei u kyrtong MDC ka seng UDP na Sohryngkham Constituency.
Ha kane ka sngi lah ioh ia ka jingkren na ki nongialam shnong ialam dong, ki riew rangbah longkmie long kpa bad ki samla. Kaba pynkyndit bad kaba pynlung mynsiem shuh ia ki paidbah nongshong Dorbar ka dei ba hadien ba la wai ka Dorbar, ki paidbah naduh ki hep kiba rit, samla bad rangbah shynrang bad kynthei ki la wan sha khmat ban ai ia u syniang kum ka bai kitbok kitrwiang ba une u u kyrtong ka UDP u jop ha kane ka kynti, pynkut ka kyrwoh bala phah da u bah Bantei Mukhim sordar shnong.
Phi don ban ong eiei?