Shyrkhei ki pulit ka West Garo Hills, ban ia iatai nia

Shillong,25 Lber:
Ha ka lah sngi u Blei ka tnad pulit ka la pynlong ia ka jingiatai nia halor ka phang ‘ ka long mo kaba lah ban pyniaryngkat lane ban pynwan dur hapdeng kumno ban tyngkai ia ka hok longbriew man briew jong uno uno u briew bad ka jingialeh ia ki kam pyntriem ha ka jylla’ . Ha katei ka jingiatai nia la iohi ba na baroh ki pulit ba la wan ban ia shim bynta ki pulit ka West Garo Hills ki kham proh jabieng namarba ia ka nam bat bit tam la ioh rah da ki.
Ha katei ka jingiatainia u K.S Kropha Addl. Chief Secretary uba dei peit ia ka tnad pulit (Home) u long u nongbishar ba ha khliehduh ha ryngkat u Addl. DGP ka Law and Order ka tnad pulit u Y.C Modi bad u B.R Rana, IGP (CID) kum kiwei pata ki nongbishar. Ki pulit ki la pynlong ia katei ka jingiakop tai nia khnang ban wanrah ka jingshai halor ka hok longbriew man briew bad kaba donkam ban kyntiew ia ki da iada. La pynlong ia katei ka jingiakob da ka Meghalaya Police ha ryngkat ka jingiatreilang bad ka National Human Rights Commission( NHRC). Ha katei ka ijngiakhun la wan ban ia shim bynta da ki pulit jong baroh ki District ryngkat ki pulit Batallion bad kiwei pat cki tnad pulit.
Ha katei ka jingiakop ia ka nam lahduh la ioh rah da u Sub Inspector Arpash D Sangma jong ka West Garo Hills District, ia ka nam kaba –ar la ioh rah da u Sub Inspector Sagar Sharma jong ka tnad CID bad u Inspector Clever D Shira jong ka South West Garo Hills kijba la iasam lang ia ka khusnam . Ia ka nam kaba lai la ioh rah da u Sub Inspector Raymond Kurkalang ka West Garo Hills. Iaka kynhun kaba tbit tam la ioh rah da u Sub Inspector Raymond Kurkalang bad u Sub Inspector Arpash D Sangma baroh ar ngut ki dei ki pulit ka West Garo Hills.
La ioh ruh ki jingkren na u K.S Kropha uba la ong ba ka long kaba donkam ban don ki ain ban pyntreikam kumno ban iada ia ka hok longbriew man briew bad ban pynbna ia ka jingdonkam ka imlang sahlang ban mih shakhmat , kaba don ki District kiba ki paidbah ki mih ban iarap ia ka rukom pyntreikam ia ka ain. U DGP Hanaman u la kyntu ia ki pulit ban kin pyrshang ban pyndonkam da ki buit kijba bha ban pynneh ia ka hok longbriew man briew jong iwei pa iwei.