Ngin ia khun na shakhmat, ym na shadien, ong U Rahul ha ka elekshon ha UP

Ka Priyanka Gandhi Vadra, ka la sdang ia ka jing iaid paidbah jongka ha Uttar Pradesh mynta ka sngi, hadien ba ka la shimti kum ka General Secretary, kaba peit ia ka mihngi jong ka Uttar Pradesh. Ha ka jingiaid paidbah mynta ka sngi, la synrah ia ka Priyanka, da U Rahul Gandhi, U  Jyotiraditya Scindia, General Secretary jong ka seng, na bynta ka thain sepngi jong ka UP.

U Rahul Gandhi President jong ka AICC, haba kren mynta ka sngi, ula ong “Nga la thung ia ka Priyanka bad U Scindia kum ki General Secretary jong ka UP bad nga la kren shai ia ki, ba ngin iakhun pyrshah ia ka jingleh niewbein jong kane ka sorkar ha UP”. U Rahul, ula ong biang “Ngin ia khun beit na shakhmat ha ka jingialeh ha UP bad ngin nym iakhun satia na shadien. Ka thong jongnga ka long na bynta ka elekshon Lok Sabbha, hynrei ngi dei ban trei tyngeh ban jop ia ka elekshon ha ka Jylla, ha u snem 2022”.