Pynkhreh ki nonghikai SSA, ban leit mudui sha Kashari, na ka arrear ba 8 bnai

Shillong: Katkum ka kyrwoh ba la phah da u babu Starwell Lyngdoh Publicity Secretary ka Meghalaya SSA School Association (MSSASA) East Khasi Hills District Unit, u la pyntip ba kan don ka jingialang, ha ka 16tarik mynta u bnai ha Khasi National Durbar Hall, ha ka por 10.30 mynstep.

Ha katei ka jingialang yn sa iakren halor ka mat ban leit ujor noh sha Ingkashari Meghalaya High Court halor ka Arrear kaba dang sah sa 8 bnai jong u snem mang tyngka 2016-17 ia kaba ka Sorkar Jylla haduh mynta kam pat lah ban siew dep sha ki nonghikai SSA. Yn jied ruh ia ki Nongkitkam ba thymmai jong ka MSSASA East Khasi Hills District Unit na ka bynta ka term 2019-2021 nalor kiwei de ki kam kiba yn sa pyndep ha katei ka jingialang. Kumta la kyrpad ia baroh ki nonghikai SSA bad Secretary SMCs jong ki Skul SSA hapoh East Khasi Hills District ban wan khnang khnang sha katei ka jingialang bad la da don kino kino ki nonghikai ki bym lah ban wan na ki daw bym lah kiar la kyrpad ia ki ban phah ia uwei na ki nong mihkhmat na ka skul jongki.