Goa: Ka kynhun ialehkai na Punjab, ka Minerva Punjab FC ka la rah ia ka nam lahduh jong ka lumpung Hero Elite League 2018-19 hadien ba ka la pyliem ia ka FC Pune ha ka jingiakhun ha kane ka sngi Saitjain ha Goa.
Ka Punjab ka la thep ar kol kaba kynthup kawei na u Makan Winkle Chothe bad kawei na u Thoiba Singh ban pynliem da 2-0 ia ka FC Pune City bad ban rah syndon ia ka khusnam lahduh jong kane ka lumpung.
U Makan Chothe u la thep ha ka 59 minit katba u Thoiba Singh u la thep ha ka 67 minit hynrei na ka liang ka FC Pune kam shym la lah ban pyrthei eiei.
Ka Minerva Punjab FC ka la bat ruh ia ka nam lahduh jong ka Hero I-League, Hero Sub-junior League (U13), Hero Junior League (U15) bad sa kane ka Hero Elite League (U18).
Ka Minerva Punjab FC ka khur ia ka khusnam kaba T.5 lak katba ka FC Pune City ka khur ia ka khusnam T.1.5 lak.
Phi don ban ong eiei?