Rai ka Supreme Court ban pynhap mukotduma ia ki trai par ha Ryngksan

Shillong: Ka Supreme Court hynnin ka sngi, ka la rai ban pyn ngat mukotduma ia ki trai par dewiong ha Ryngksan jong ka East Jaintia Hills, halor ka jing ailad jongki ban tih dewiong beain, kaba la ialam sha ka jingiap jong ki 15ngut ki trai par dewiong.

Ka hukum jong ka Supreme Court hynnin ka sngi, ka la rai ban tian bishar ia U Jrin Chullet bad U Krip Chullet, kiba na ka shnong Narwan. La buh sngi ban shong bishar biang ia katei ka kam ha ka 22tarik Rymphang 2019 bad la bthah ruh ia ka sorkar Jylla lem bad ka Coal India, ba kin ai jingtip sha ka kashari, ia kiwei pat ki jaka kiba don ka jingtih dewiong beain ha ka Jylla.

Ka la don ka jingshong bishar jong ka Supreme Court, naduh ka 13tarik Nohprah 2018, halor katei ka jingshah tap um jong ki 15ngut ki trai par dewiong, ha ka par dewiong ha Ryngksan.