105 ngut kiba iaknieh ia ki 29 seat sha ka iing dorbar JHADC

Jowai: Myn hynnin ka sngi, 105 ngut ki kyrtong ki ban ia aireng shaka iing borbar ka JHADC ki la pass bha hadien ba la dep jurip lut ia ki kot ki sla jong ki. Kitei ki 105 ngut ki kynthup 67 ngut na West Jaintia Hills kiba kynthup ia ki 7 ngut na Amlarem Sub-Division bad 38 ngut na East Jaintia Hills.
29 ngut ki sitting MLA ruh ki dang paw kyrteng ha kane ka kynti bad ki rangbah ba paw khmat ki kynthup ia u ma Moonlight Pariat, MB Rymbai, Andrew Shullai, Thombor Shiwat bad Lamdibok Sumer kiba la ju bat teng kum ki Chief Executive Member hapoh ka District Council.
Nalor kitei ki rangbah, ki don ruh ki nongialam Sengbhalang kiba kynthup ia u Rikut N Parien uba dei u nongialam ba radbah ka JSU bad u Brightstar Chyrmang jong ka Jowai North nalor kiwei kiwei kiba ju long ki nongialam sengbhalang.
Ha kane ka kynti ki don bun ngut ki riew thymmai ki bym ju pat don bynta mynno mynno ruh ba ka kam sain hima sima bad bun na kine ki khmat thymmai ki dei kiba la nang la stad.
Hood ki dangdon katto katne ngut ruh kiba dang duna ha ka liang ki jingnang jingstad kiba la wan shakhmat ban ia aireng ha kane ka Election MDC 2019.
Kiba bun eh kiba thep kyrteng ha kane ka kynti ki dei beit na ka Party NPP bad UDP, katto katne na ka INC bad PDF bad tang uwei eh na ka party HSPDP nalor kumba 15 ngut ki IND.