Da ka “mombati” pan shap u Pastor

Shillong, 24 Lber:
U Kyrtong shimet u Pastor PBM Basaiaw moit u la pan da ka shap Mombati ha kane ka elekshon MP na ka bynta ka Shillong Parliamentary constituency ban long ha ka 9 tarik Iaiong.
U Pastor Basaiaw moit haba kren hynne u la ong ba ka daw ba u la jied ia kane ka shap ka long ba ka dei ka jingshai ia ki paidbah bad ruh ka dei kawei kaba kham suk ban ithuh ia ka. “Ka mombati ka dei ka jingshai bad kan long kum ka jingtbeh jingshai kumba ong ‘candle in the wind’ ne ka jingshai hapdeng ka jingbeh ka lyer”, la ong u Pastor Basaiawmoit.
U la ong ba ia mynta ia kane ka shap, ym pat pynbna da u Returning Officer ka Shillong Parliamentary Constituency bad ka jingpynbna ia ka shap, ia ki kyrtong shimet kan long ha ka 26 tarik Lber kaba dei ruh ka sngi khadduh ia kito kiba la dep thep kyrteng ban weng noh lada kim kwah ban iakhun ia ka elekshon.
Lah ban kdew ba u Pastor Basaiawmoit la kyrshan da ka HSPDP bad ka KHNAM ha kane ka kynti uba la mih madan ban iakhun ia ka elekshon.
Ki don 8 ngut kiba thep

na ka bynta ka Shillong parliamentary constituency kynthup Bah Vincent H Pala ka Congress, Bah Paul Lyngdoh ka UDP, Bah Shibun Lyngdoh na BJP, Bah Ameringtone Kharshiing na ka AAP, Bah Denis Siangshai kyrtong shimet, Kong A Shylla kyrtong shimet, Bah Richard Shabong na CPI bad u Pastor PBM Basiawmoit.