Bujli kam ia ki heh pulit ha ka Jylla, ka kong Claudia ka SP East Khasi Hills

Shillong:Myn hynnin ka sngi, ka sorkar Jylla ka la pynlong ia ka jing bujli kam ia ki heh pulit ka Jylla bad kitei ki kynthup ia ka kong Claudia Lyngwa, kaba dei ka Commandant jong ka 1st ML Battalion, kaba la shah thung kum ka Superintendent of Police, East Khasi Hills District, katba ia U Davies R Marak, la thung kum U SP (VIS).
U bah M Kharkrang Special Superintendent of Police (SB-I), un shimti mynta kum U Assistant Inspector General of Police (R), katba U bah GD Kharwalang Special Superintendent of Police, West Khasi Hills, ula shah pynkynriah kum U Superintendent of Police (SB -I).
U Bobby SW Momin Superintendent of Police, South Garo Hills, ula shah pyn kynriah kum U Special Superintendent of Police (SB-II), katba U bah Maxwell B Syiem, un shimti kum U Superintendent South West Khasi Hills.
U Bah Herbert G Lyngdoh Superintendent ka South West, un shimti kum U SP Economic Offence Wing, CID, katba U Bah BJ Laloo Superintendent Traffic jong ka nongbah Shillong, un shimti kum U SP, West Khasi Hills.
U Deputy Commandant ka 4th Battalion, U Bikram Marak, un shimti kum SP Traffic, East Khasi Hills, katba U Vivekenanda Singh Commandant 4th MLP Battalion, un long U SP ba thymmai jong ka East Jaintia Hills.
U SP ka Ri Bhoi, U Ma Spil Thamar, ula shah pyn kynriah kum U Commandant ka 4th Battalion, katba U Ma C Syrti Commandant ka 6th Battalion, un long U SP thymmai ka Ri Bhoi District.