Poi 7 ngut ki kyrtong ha ka Scrutiny

Shillong,24 Lber:
Baroh ki kyrtong ki ban ia khun ha kane ka elekshon MP Lok Sabha 2014 ki la wan poi lut mynta ka sngi ha ophis u Deputy Commissioner East Khasi Hills na ka bynta ban bishar bad peit bniah ia ki kot ki sla jong ki, lait noh tang u kyrtong ka UDP u bah Paul Lyng doh uba la shu phah da u General Secretary ka seng u bah A.F Dkhar ban leit ha ka jaka jong u. Ki 7 ngut ki kyrtong kiba la wan poi ki kynthup ia u Ma Vincent Pala ka Congress, u pastor PBM Basaiawmoit, kyrtong shimet, u bah Shibun Lyngdoh ka BJP, u bah Denis Siangshai kyrtong shimet, u bah Richard Shabong ka CPI, u bah Ameringtone Kharshiing ka AAP bad ka kong I.Shylla.
Baroh ki kot ki sla jong ki kyrtong ka biang lut bad ym don iwei ruh ban shah kyntait.