Jop ka Nenggate ha ka U-14, ka Pasadwar ha ka 19th Riwar cup

Shillong: Ka Nenggate Pynursla ka la jop ia ka Bakur ha ka 4th Under-14 Invitation Football Tournament bala pyniaid da ka Bakur Social Welfare Sport Club ha madan Bakur lyngba ka tie-breaker da 6-5.
Ha kawei ka jingialehkai, ka Mawshun ka la pynliem ia ka Lamin lyngba ka tie-breaker da 5-4.
Ka jingialehkai haka 20tarik kan long hapdeng ka Kongwang pyrshah iaka Nenggate Pynursla por 10 Am bad ka Mawshun pyrshah iaka Nongmadan Pynursla por 11 Am.
Ha ka 19th Riwar Cup Invitation Football Tournament, ka Pasadwar Young Boys ka la pynliem ia ka Thangbuli da 1-0 ba la pyniaid da ka Bakur Social Welfare Sport Club ha madan Bakur.
Ia kane ka kol la thep da u Alphayos Pamblang haka 29 minit. Ia kane ka jingialehkai la pynsangeh shwa namar yn pynlong iaka Miss Meghalaya 2019 ha kane ka madan haka 16 tarik Rymphang bad ia ka jingialehkai yn bteng haka 20 tarik Rymphang kan long hapdeng ka Umkrem pyrshah iaka Nongtalang YC por 12 Pm ka Laitsohphie Pynursla pyrshah iaka Mawshun por 1.30 bad ka Bakur pyrshah iaka Young boys shnongshoh por 2.45.