Long nonglamktien ka kong Rephica Pde ha mareh Jaipur

Shillong:Ka kong Rephica Becky Pde na Shillong ka la mihkhmat ia ka jylla Meghalaya kum ka nonglamktien ha ka lumpung 10th AU Bank Jaipur Marathon kaba la long ha ka 3 tarik Rymphang.

Ka Kong Rephica ka dei ka nongmareh kaba la wan baar ha ka jingiakop mareh kaba 42.195 km da kaba pyndep 4 kynta 15 minit.
Ka dei ruh ka nonglamktien jong ka Amity Gurugram Marathon ka ban long ha ka 10 tarik Rymphang.
Ka kong Rephica (36 snem) ka la sdang ban mareh ha kine ki khyndiat snem bad ka dei ruh na ka longing jong ki nongmareh.
Ha ka 9tarik Nailur, 2018, ka Kong Rephica ka la long ka kynthei na India kaba nyngkong ban wan baar ha ka jingiakop mareh Khardung La Challenge (72 km), ka jingiakop mareh kaba heh bha ha ka pyrthei.