12tarik, lah ban leit rah ka BJP ia ka bill CAB ha Rajya Sabbha

Ka sorkar BJP, la sngewthuh ba kan leit rah ia ka Citizenship Amendment Bill, 2016 ha Rajya Sabbha, ha ka 12tarik mynta u bnai bad lada ka don ka lad, kan lah ban pan ia ka jing mynjur jong ka iing, ia katei ka bill, kaba don ka jingkren pyrshah jong ka thain shatei lam mihngi.

U M Venkaiah Naidu, uba dei u lamphang jong ka dorbar Rajya Sabbha, un lah ban khot ia ka jingialang jong baroh ki seng sain pyrthei, ha ka 11tarik mynta u bnai, na ka bynta ban iakren ia katei ka bill, kaba la tyrwa da ka sorkar BJP, ban wan rah ha katei ka iing dorbar.

Na ka jingkhein kaba long mynta, ka BJP dalade kan nym lah satia ban pynlong ia katei ka CAB, namar ba kam biang briew satia katei ka iing dorbar, kaba don 245ngut ki dkhot. Ka BJP, ka don 73ngut ki dkhot ha katei ka iing dorbar, tang nalade hi.