Shillong, 24 Lber:
Ka Meghalaya Aids Control Society ha ryng kat ka jingiatrei lang bad ka Bouncers Association of Meghalaya ka la pyn long ia ka Red Ribbon Ri Bhoi phawar star ha Um sning Auditorium Hall, Umsning ha ka 22 tarik mynta u bnai halor ka phang HIV/AIDS. Ha ka ne ka jingiakop phawar la wan ia shim bynta da bun tylli ki skul kumjuh ruh da ki riew shimet (individual) na ka thain Ri-Bhoi.U Bah Rocky Kylla, Chairman ka Umsning Dorbar u la long u kongsan ha kane ka jingiakop. Ki nong jop ha katei ka jingiakop ki long Pynjanai Lapang na Umsning, ba-ar Ibakordor Kharkrang & Group na ka St. Micheal Secondary School, Umsning, balai Ridashisha Kurbah & Group na Mawtawar, consolation Wansukjai Dorphang ka Eden Secondary School, Umsning, Bantei Umbah na Umsning, bad u nongiashim bynta ba tymmen tam la ioh da u bah Rishan Sylliang na Raitong. La pynshongshit ruh ia ki paidbah ha katei ka sngi da ki jingwrai (special performance) na ki KHMIH (Junior & Senior).
Phi don ban ong eiei?