Ha ka sngi Saitjain ka phainal jong ka U-12 & U-14 ka MSS&CC

Shillong: Ka phutbol phainal jong ki khynnah kiba hapoh ka 12 bad ka 14 snem ka rta ki Under-12 bad ki Under-14 jong ka Mawlai Sports Social and Cultural Club (MSS&CC) kan long ha ka 9 tarik u Rymphang, 2019 ha Madanheh stadium, Mawlai Phudmuri.
Ka jingialehkai kan sdang ha ka por 12 baje shiteng sngi ban sdang da ka phainal hapdeng ki khynnah ka Under-14 jong ka Mawlai Nongkwar pyrshah ia ka Motsyiar.
Katba ha ka Under-12 kan long hapdeng ki khynnah ka Mawdatbaki pyrshah ia ka Nongkwar ha ka por 1 baje nohphai sngi.
Kumta haba ia dei bad kane ka phainal ka MSS&CC ka kyrpad ia ki nongshong Shnong ka Mawlai ban wan sakhi ia kine ki jingialehkai, kaban long ruh kum ka jingaì mynsiem ia ki nongialehkai.