15 minit, iather kuli ka GNLA bad ki pulit

Shillong,23 Lber:
Ha ka step sngi saitjan, ka la don ka jingiather kuli kaba jur hapdeng ki suba lehnoh ka GNLA bad ki pulit Special Weapon and Tactic (SWAT) ka jylla, bad katei ka jingjia ka la jia ha Ambari kaba don ha jan Shallang . La iathuh ba ha katei ka jingiather ki lehnoh GNLA ki la ioh phet krad noh sha ki khlaw ba rben ka Ambari.
Ki lad khubor ki la iathuh ba ha ka por mynstep, jogn ka sngi saitjain kumba 12 haduh 14 ngut ki dkhot ka GNLA kiba la kieng atiar bha ialade ki la wan sha Songsak, ban lum pisa na kawei ka khyrdop kaba don hangtei na ki trok kiba iaid lyngba katei ka surok. Hadien ba ki pulit ka Shahlang ki la ioh jngtip shaphang ka jingwan dawa pisa ki kynhun lehnoh ha Songsak, la phah ia ki pulit SWAT ba kin hiar wut wut sha katei ka jaka. La iathuh ruh ba mar sien poi ki pulit kitei ki lehnoh ba la kieng atiar bha da ki tiar siat ba khlain bor ki la ther kuli sha ki pulit, bad ka jingiather kuli kaba markylliang ka la sdang. La ong ba ka jingiather kuli ka la neh la kumba 15 minit eiei ha kaba ki dkhot ka GNLA ki la ioh lad ban phet krad noh. Ki pulit ki la iathuh ba na katei ka jaka ba la neh ka jingiasiat ki la ioh kurup kawei ka AK-47, shijur ka slipper, ki jain phong Uniform Commondo, ka tupia commando bad kawei ka kot dawa pisa jong ka GNLA.