U Raphael Samuel, un mudui pyrshah ia la ki jong ki kmie ki kpa, namar ba la kha ia u, khlem ka jingmynjur lang jongu. U Raphael, u iathuh ba u don ka jingiadei kaba jan bad la ki kmie ki kpa, hynrei, u pyn ia syriem ia ka jingkha ia u, kum ka jingshah rahbor bad ka jing pynlong mraw.
Kawei na ki jingbuh dur jong U Samuel ha ka facebook peij jongu.
U Raphael, uba don 27snem ka rta, uba na Mumbai, u ngeit ba ka long kaba bakla, ban kha ia u khun, u bym kwah kha, na bynta ka jingsngew tynnad jong ki kmie ki kpa.
Haba kren ia kawei ka kotkhubor The Print U Samuel u ong “Nga ieid ia la ki kmie ki kpa, hynrei ki pynmih ianga, na ka jing ia kmen ia sngewbha jongki”.
U Samuel, u buh ia ka peij ha ka facebook, kaba ai kyrteng Nihilanand, ha kaba u don bun spah ngut ki nongbud jongu, ha kaba u ju buh ia ki jingthoh kiba pyrshah ia ki kmie ki kpa kiba kha.