Mih ka longkmie ban iakhun MP

Shillong, 23 Lber:
Ka kong Iborina Shylla ka la thep kyrteng hynnin ka sngi kum ka kyrtong shimet ban iakhun ia kane ka elekshon MP na ka 1-Shillong Lok Sabha.
“Kaba pynlong ia nga ban ngan shim ia kane ka bynta ka long ba nga iohi ba ym don ki kynthei na ka 1-shillong Lok Sabha ki ban long ki nongmihkhmat sha Lok Sabha kumta mynta ka kynti nga la rai ban ia aireng la ka long kumno kumno bad ban shim ia kane ka bynta”, la ong ka Kong Iborina.
Ka la ban biang, “Nga kwah ruh ban kyntiew kham sha jrong ia ki khun samla jong ka jaidbynriew, bun ki paibah ki shah leh bein bad shah iehbein kham tam ha ki thain nongkyndong namar ba ym don ba peit ia ki haba ki la dep ban jop ia ka election kane ka long ka ei ka ei ka ba sngewsih haba ka long kumne.
Ha kaba nyngkong nga la rai ba ngan ia khun na ka seng BJP, hynrei nga iohi ba ki briew kiba don ha kane ka seng kim long kiba beit ryntih ha ka rukom trei kam, kumta kane kala pynlong ia nga ba ngan ia aireng noh kum ka kyrtong shimet la pynkut ka kong Iborina.