Wan poi ar kynhun ki bor pahara elekshon

Shillong,21 Lber:
Ar kynhun ki bor pahara ka Sashastra See ma Bal (SSB), ka kynhun iada khappud ki la wan poi ha ka jylla na ka bynta ban pahara khnang ba ka elekshon MP Lok Sabha ha Shillong Parliamentary seat ka ban sa long ha ka 9 tarik u iaiong kan iaid beit iaid ryntih.
“Ar kynhun ki bor pahara ka SSB ki la wan poi ha East Khasi Hills” iathuh u Deputy Commissioner u Sanjay Goyal haba kren sha ki nongthohkhubor. U Goyal ula ong ruh ba ia kiteiki ar kynhun yn phah sha nki bynta papher bapher ka East Khasi Hills ban peit ba kan ym don kano kano ka jingpynthut ia ka elekshon.
Ha ka juh ka por, la iathuh ba la thung lai ngut ki nongpeit pyrman ha kylleng ki jaka kynthup ia u nongpeit ia ka jingpynlutpynsep ki ki kyrtong ha kane ka elekshon.La thung ia u N Shirpa, u ophisar ka Indian Revenue Service (IRS) kum u nongpeit pyrman ia ki jingpynlut pynsep ki kyrtong ka Shillong Seat nalor ki ar ngut ki nongpeit pyrman ba kynthup ia ka Neelam Gupta bad ka Sashi Bala Gulati, ong u Goyal. Ka Gupta ka la poi sha kane ka nongbah mynta ka sngi katba ka Gulati kan wan poi lashai ka sngi, kitei ki nongpeit pyrman kin peit ia ka jingpynkhreh ia ka elekshon bad kiwei pat ki mat donkam kum ka jingpynkhein ia ka model code of conduct.