Shillong: Ki khun Samla ka Hima Sohra, ki la ia kynduh bad ki Rangbah ka Hima Sohra ha ka 1tarik Rymphang 2019 bad ha katei ka jing ia kynduh, ki la iakren halor ka jing kam trai U Sordar Majai ia ka Majai bad ka jingdawa jong u ban pynlong Elaka ia ka Majai. Katei ka jing ia kynduh, ka shim, ba ka dei tang ka jingkren biej kren laplah ne umdum bad kumta ki khun ki hajar, ki pynpaw ka jingpyrshah jur halor katei ka jingkren ka jong u Sordar Majai ha ki lad pathai khubor.
Ki khun ki hajar, ki pynrrem jur ia u bah HS Shylla C.E.M KHADC u ba la shu thombor ban knieh jubor ban pyniaid hi noh ia ka Majai kaba hap hapoh ka jingpeit bad jingsynshar da ka Hima Sohra bad la shim ba kane ka dei ka jingiuhroit ia ka riti ka dustur jong u CEM ia ka Hima Sohra. “Da leilei ngin ym ailad ban knieh jubor ia ka Majai naduh u snem 1829. Ka Majai ka dei kaba la ju peit bad synshar da u Syiem ka Hima Sohra haduh mynta” ong shu ka kyrwoh.
Ha kane ka jingialang da kawei ka sur ka la rai ban lum ban lang ia ki Samla Rangbah, ki Rangbah kiba dei ki khun ki hajar ka Hima Sohra halor katei ka phang, ong ka kyrwoh na U Bah M.Bynnud (8794347469) bad U Bah W Nonglait (9863272277).