KA POR BAN DUWAI BAD DEM KHOHSIEW
Ha ka jingiadei bad ka CAB 2016 bala mynjur da sorkar India hapoh Lok Sabha,ngi kum ka jaidbynriew ritpaid ngi dap da ka jingsngewkhia, namar kane ka bill ka khot sngewbha ia kiba na Bangladesh. Ban kin wan buhai shnong sha kine ki thaiñ jong ngi katba ki mon. ym don shuh ba nud ban pynwit ne ban khanglad ia ki.Ym tang ki hindu hynrei wat ki Muslim ruh kin shim kabu ia kane ka aiñ da kaba thok ia ka kyrteng bad ka niam.Kin kam ialade ba ki dei ki hindu tang ban ioh long traishnong ha meghalaya, India.Ban lait na ka jingma jong ka jingngam jyllop noh ha ka um.Ba katkum ka jingiathuh jong scientists,ba ka Bangladesh ha kawei ka sngi kan sa shah tyllep noh ha ka um. Kumta nga ngeit ba ka jingwan tuid jong ki briew ba na Bangladesh ka long palat ban ia kaba ngi khmih lynti. Nga ainguh ia u Blei ba u dang pynmih ia ki briew kiba shlur napdeng ki nongialam sengbhalang bad napdeng ki myntri sorkar ,ban pynpaw ia ka jingpyrshah ryngkat u paidbah ba bun. Ha baroh ki jingiakhih kiba ladep bad ki ban sa pyndep u Blei un aibor ia ki khun samla bad ki rangbah kiba don ia ka mynsiem ialeh ba kin nang tur shaphrang sha ka thong tad haduh ban da ioh ia ka jingjop.
Kumta nga kyntu ia ki paidbah ba kim dei ban kheiñsting ia kane ka aiñ. Nalor ki jingiakhih bala khot da ki seng bhalang, ngi donkam ruh ban kyang sha u Blei lyngba ki jingduwai. Ka por ka la dei ia ngi ban dem khohsiew khrup ha khmat jong u Blei ban duwai iasaid na ka bynta ka jaidbynriew. Ka sorkar ruh ka dei ban pynlong jingduwai ba kyrpang hapoh secretariat ba u Blei un isynei ia ka jaidbynriew ritpaid jong ngi bad ban pyllait ia ngi na ka jingma ba shyrkhei kaba la ap lypa.
