Iap 4, mynsaw 27, ba syllad ka eriong ha West Khasi Hills

Shillong, 20 Lber:
Saw ngut ki mysiem briew ki la duh ei bad arphew hynniew ngut ki la mynsaw ei ha ka jing syllad ka eriong hynnin ka sngi Balang ha West Khasi Hills.
Kine ki briew kiba khlad ha kane ka jingjia ki long u Edmund Nongsiej 20 snem, u Pynibor Nong siej 12 snem, bad ka Kong Phibanroi Marngar 25 snem bad I khun jong ka ba dang hynriew bnai.
U Symbud Myntri Rangbah ka jylla u Bah RC Laloo u ba bat ia ka tnad revenue bad disaster u la pynbna ba ka sorkar kan ai T.1.5 lak sha kito kiba khlad.
Kane ka jing khie eriong ka jia hynnin ka sngi ha kaba da ki spah tylli ki longing ki la duh ia la ki iing ki sem bad bun ki nar bording ki la khyllem lut.
U Deputy Commissioner ka West Khasi hills u Bah S Kharlyngdoh u la ong ba saw ngut ki myn siem briew ki la khlad ha shen ha kane ka jingsyllad ka eriong.
U Bah Kharlyngdoh u la iathuh ruh ba 27 ki briew ki la mynsaw ha kane ka jingjia bad ia kine ki briew la pynkit sha hospital ha Nongstoin. Katba 15 ngut ki la mynsaw jur bad 7 ngut la pynllait noh ia ki hadien ba ki la ioh ia ka jingsumar.
Ha kane ka jingjia ki heh ki hain ki la leit ban jngoh ia kitei ki hynriew tylli ki shnong kiba la shah ktah ha kane ka jingjia.