Ha ka jingialehkai English Premiere League, ka Chelsea ka shah rem kput ha ka Bournemouth da 4-0. Ia kol, la ioh thep da U Joshua King, ha ka minit kaba 47 bad 74, nangta sa U David Brooks ha ka minit kaba 63 bad U Charlie Daniels ha ka minit kaba 95.
Ha kawei pat ka jingialehkai ka Liverpool, ka ia khaid mar shi kol pyrshah ia ka Leicester City, ha kaba la ioh thep kol da U Sadio Mane ha ka minit kaba 3, katba ia ka Leicester, la ioh thep da U Harry Maquire ha ka minit kaba 42.
Ka Tottenham, ka la pynliem da 2-1 ia ka Watford, ha kaba la ioh thep kol da U Son Heung Min, ha ka minit kaba 80 bad nangta sa U Fernando Llorente ha ka minit kaba 87, katba ia ka Watford la ioh thep da U Craig Catchcart ha ka minit kaba 38.
Haduh mynta ka jing ioh point jong ka Liverpool, ka long 61 point, ka Manchester City 56 point, ka Tottenham Hotspur 54, ka Arsenal bad ka Chelsea mar 47 point.