Ha ka jingialehkai jong ka English Premiere League, hynnin ka miet, ka Manchester City, ka la shah pynliem ha ka New Castle United da 2-1, ha kaba ia ki kol, la thep da U Solomon Rondon ha ka minit kaba 66 bad U Match Richie ha ka minit kaba 80, da ka jingshut penalty, katba ia ka Man City, la ioh thep da U Sergio Aquero ha ka 24 sekhon jong ka por sdang ialehkai.
Ha kawei pat ka jingialehkai ka Manchester United, ka ia khaid mar ar kol pyrshah ia Burnley, ha kaba ia ki kol la thep da U Paul Pogba ha ka minit kaba 87 da ka jingshut penalty bad nangta sa U Victor Lindelof ha ka minit kaba 92, katba ia ka New Castle, la thep da U Ashley Barnes ha ka minit kaba 51 bad U Chris Wood ha ka minit kaba 81.
Ha kawei pat ka jingialehkai ka Arsenal, ka la pynliem ia ka Cardiff City da 2-1 bad la thep ia ki kol da U Pierre Emerick Aubameyang, ha ka minit kaba 66 da ka jingshut penalty bad U Alexandra Lacazette ha ka minit kaba 83, katba ia ka Cardiff la ioh thep da U Nathaniel Mendez Laing, ha ka minit kaba 93.
Haduh mynta ka Liverpool, ka ioh 60 point, ka Manchester City, ka ioh 56 point, ka Tottenham Hotspur 51 point bad ka Chelsea bad ka Arsenal mar 47 point.