Nongpoh: Ha kaba pynkut noh ia ka 7th Invitation Football Tournament, ka lympung ialehkai phutbol kaba la pynlong da ka Umsaitsning Sports Socio & Cultural Club, ha madan ialehkai ka shnong Umsaitsning, ka Sumer FC ka la ioh ban rah ia ka namlahduh hadien ba ka la lah ban pynliem noh ia ka Shipara FC da 2-0.
Haba kaba kut jong katei ka lympung ialehkai phubot, la sakhi da ka jinngdon u Bah Rocky A Marwein, u kyrtong MDC na Umsning kum u Kongsan, ha ryngkat ka jingdonlang kiwei dei ki riew rangbah, kaba kynthup ia u Bah Balumlang Lyngdoh, President ka USS&CC, u Bah R. Kharkrang, Chairman ka Umsaitsning Town Durbar lem bad kiwei de ki riew rangbah jong katei ka thain.
Ha katei ka sngi, la ioh ia ka jingkren na u Bah Rocky Marwein, ha kaba u la pynpaw ia ka jingkmen ban iohi ia ka jingshimkhia da ki nongkitkam ka USS&CC, ban iai bteng ha ka ban pynlong ia katei ka lympung ialehkai, kaba long ruh kum kawei na ki lad ban iarap ia ki khun samla ba kin nangkiew ha ki kam ialehkai phutbol.
U la ai ruh ka jingkitbok kitrwiang, ia ki nongkitkam jong katei ka Sport Club ba ki nanglah shuh shuh ban pynlong ia kiba kum kitei ki lympung ialehkai. Ha kajuh ruh ka por u la kyntu ia kitei ki rangialehkai jong kitei ki ar-kynhun kiba la poi sha ka thup jong ka jingiaknieh rah ia ka nam lahduh.
Haba sam ia ki khusnam, ka Sumer FC kaba la ioh ban rah ia ka namlahduh, ka la ioh ban khung ia ka song pisa kaba T. 25 hajar, katba ka Shipara FC kaba la shah rem noh ha katei ka jingiakhun ka la ioh ban rah ia ka song pisa kaba T. 12 hajar.