Shillong: Hadien ba ka KSU ka la pyrshah ia ka jingthung kam Vice Chairman ka sorkar jylla ia ki 2 ngut ki bar jylla kiba ka la kynnoh ba ki dei ki nongialam jong ka Non Tribal Youth Union ( NTYU) , u wei na ki Vice Chairman u Vijay Raj u la kyntait bad u la ong ba um dei satia u nongialam jong ka NTYU. Hynrei haba ia kren pat u General Secretary ka KSU u samla Donald V Thabah u la ong ba u Vijay Raj u thok bad u lah ban ym dei u President hynrei u dei u nongialam bashit rhem jong katei ka seng ki bar jylla uba la kren paidbah ruh ha ki jingialang paidbah kiba la long ha u snem 1997/1998. U samla Donald u la ong ba u la thok ba u kyntait ba u dei u nongialam.