Ujor ka Mawlai, ba kiew bai ding

Shillong, 18 Lber:
Ki nongkitkam jong ka Mawlai Town Dorbar (MTD) hapoh ka jingialam jong u MLA u Bah Em bhahlang Syiemlieh kila ujor ha u Chief Secretary ka Sorkar jylla u Bah Barkos Warjri uba long ruh u Chairman ka MeECL mynta ka sngi halor ka jingkiew ka bai thang ding kaba palat.
Ha kane ka jingiakynduh, ki nongialam ka Mawlai Twon Dorbar ki la pynpaw ia ka jinglyngngoh halor ka jingkiew ka bai thang bording shaba palat liam kaba long lai shah saw shah.
Ka thain Mawlai kaba la dei ban siew ia ka bill kin siew sha Mawlai Nongkwar bad yn pynjlan ba kin siew ruh haduh ka 20 tarik Lber mynta u bnai bad ki hap ban siew sha ophis baheh duh ka ophis MeCEL.
Ha kaba iadei bad ka jingkiew ka Bill, u CS u la ong ba naduh u bnai Nailur haduh u Nohprah 2013 ka tnat ka la hap ban duh trei haduh 20 sngi na ka daw jong ka jingdon jong ki jingiakhih kum ki band, ki pakhang shnong bad kiwei bad baroh ki kam ba hap pyndep hap kynran dien bad tang ha u Nohprah ioh treikam tang 12 sngi bad kumta ka sa mih ka jingkiew bun shah bad hap pynbiang na ka bynta ki ar bnai.
La ong ruh ba ka jingkiew

ka bai light ka long ruh ba ha u bnai Nohprah haduh u Kyllalyngkot namar ba jur ka jingkhriat ka la don ka jingpyndonkam bun ia ka bording.
“Lada ym lah ban siew lut siew shuwa shiteng khnang ban lah ban pynbiang ha ki bill jong ki bnai ban wan bad ka jingkiew dor ka lah ban long ba don ki trai ïing kiba pyndonkam tang uwei u Meter na ka bynta ki nongshong wai kumta dei ban buh la u jong,” ong u Bah Barkos.
La ong ruh ba haba don jingeh ym dei ban leit sha ki Counter siew bai light hynrei ban iakynduh ia ki ophisar. “Ngi kubur ruh ba hateng ki don ki meter reader kiba leh khlem akor ba ki bill ki sa heh bad ruh kiba ym lah lait na ka jingsniew ki meter, hynrei halor kane ka tnat ka la shim khia ban lait na ki jingeh ki paidbah,” ong uwei na ki heh ka tnat.
Ha kane ka jingiakynduh na ka liang jong ki nongkitkam jong ka MTD bad ki rangbah shnong kila pynpaw ia la ki jong ki jingeh ha kaba iadei bad kane ka jingkiew ka bor ding ha kaba na ka liang jong ka tnat ka la kular ban shim khia. Kila pynpaw ruh ka jingai khublei ia u MLA uba la shim khia ia kane ka kam jong ki paidbah ka Mawlai baroh kawei.