|
Khana babteng
Ki la rung ha ka dukan sha. Ka Kongthei Daplin ka shong mar pyrshah bad u Bah Malki. Katno ka sngew kmen eh ka mynsiem bad ka la sei khana dum dam dum dam ban pyn sngewbha ia u Bah Malki.
Katba dang ia dihsha hangta ka u Bah Malki u la poi kylli shaphang ka Lanosha
“Kumno phi wan marwei Ito paralok jongphi I khlem wan lang…?” La kylli u Bah Malki
“Em nga khlem iawer ia I…” La iathuh ka Daplin
“O kumta mo, hynrei nga iohi ba phi ju ia iaid synrop synrop….” La ong u Bah Malki
“Hooid tang don ka por…” La ong pat ka Lanosha
Kumta hi ki is pynkut noh shaphang kata ka sobjek. Ka Daplin ka la angnud ban pan number phone hynrei kam lait ang Ka ktien. Kumta ka la shu ong
“Ban dei ba ioh mynne tang u number phone jongphi ruh la biang dei…Nga la sngewthuh ban wan biang por…”
Haba la ioh sngew ia kata ka ktien u Bah Malki u la ong ha ka
“,Shim u no phone jong nga ngan ai haphi…” U la it artat ia I kot lyngkhot ban thoh .
Marsien ioh ia uta u nomber phone, ka Daplin ka la kmen eh
“Khublei shibun …. To ngan sa phone ia phi …” Ka la ong
Hadien katto katne por ba la dep dihsha ki sa is mih noh nangta bad leit ha la ka jong ka jong ka lynti.
Lynter lynti katba dang iaid ka Daplin ka dap da Ka jingkmen eh ba ka la ioh ia u number phone jong u Bah Malki.
Ha kata ka miet shuwa ban thiah ka la kynmaw ban phah ha u ia I shithi lyngkot lyngba ka mobile iba shu ong
“Gdnt….”
U Bah Malki namar ba um pat tip u la phah kylla
“Gdnt…. Phi dei mano…”
Dei naduh kata ka miet ba ki sdang ban ia kren lyngba ki jingthoh mobile.
U Bah Malki u la ithuh ba baroh ar ngut ki don kaei re kaei ka ba ki kwah ia u sha lyndet. Kumta u la pyrkhat ban buh rieh na ka jingtip jong ki shaphang ka jingiakren ia khana kaba tang lyngba ka phone .
Ia ka Lanosha ruh u ong wat iathuh ha ka Daplin kumjuh ia ka Daplin ruh u ong wat ju iathuh ha ka Lanosha. Kumne ka jingiadei jong ki baroh ar ngut ki iaid kumba ju iaid bad ym don ba tip ia jingiadei bajan jong u Bah Malki bad no bad no ruh.
Haba jia ryngkhat ba iakynduh lang baroh ar ngut u Bah Malki u leh palei kumba u sngewtynnat iaki baroh ar ngut.
Kata ka jingiadei barieh jong u Bah Malki bad kine ki ar ngut ki Kynthei ka la iaid da ki bnai. Ka Daplin namar ba ka la ieid shisha ia u ka ju leit mih wat sha jingtrei jong u ruh. Hynrei katba ka Lanosha kaba u Bah Malki u kham ieid u ju phone hi iaka ban wan iakynduh bad u ha iew ne ha ophis.
Shisien u Kpa jong ka Lanosha u iakynduh ia la ka khun ba ka iadihsha bad uta u briew. Ynda la poi ha iing u sdang ban kylli bniah shaphang kata ka ba u iohi. Ka Lanosha ka iathuh ba u dei uba ka ia sngewtynnat paralok. U kpa jong ka u la iaroh bad ai mynsiem
“Shisien peit te khun uto u briew uba I biang bha…” U la ong
“Hooid Pa I dei uba trei kam Sorkar bad u sah ha Malki . Baroh baroh ki ju khot Bah Malki… Hynrei ia ngi pat ba la iajan bha u ong ban khot Bahdeng. ..” la iathuh bniah ka Lanosha ha la u Kpa.
Ka Lanosha ruh ka la sngewtynnat hu namar ba ka sngew thuh lypa ba u kpa u ai ka jingmynjur ia ka ta ka jingiadei jong ka.[yn dang bteng]
|