Wan pyndem u dkhot HNLC

Shillong, 17 Lber:
Uwei u dkhot ka HNLC u la wan pyndem hakhmat u SP ka East Khasi Hills hynne ka sngi Nyngkong. Une u dei ba la tip kyrteng u Elvis Syiemlieh uba pyniasoh ha u snem 2003. Ia une u dkhot ka HNLC la khot sin kum u Lungiut uba dei na shnong Pyndensohsaw kaba hapoh Mawsynram Police station ka East Khasi Hills. U la lait phet na ktem ka HNLC na Bangladesh dang shen bad u la wan pyndem noh khlem kino kino ki tiar ialeh, la ong u SP ka East Khasi Hills M. Kharkrang.
Na ka liang ka HNLC mynta ka sngi, ka kren lyngngoh ba balei ki pulit, kim shym la pyntip paidbah, halor ka jingleit pyndem wait jong uwei u dkhot jong ka HNLC, kaba la dep jia mynta la shitaiew eiei.