Ka Zeliangrong Student’s Union kan nym shim bynta satia ha ka rakhe Republic Day mynta u snem, kum ka dak jong ka jingsngew pyrshah ia ka jing pyntrei kam ia ka Citizenship (Amendment) Bill 2016.
Ha ka kyrwoh khubor mynta ka sngi, ka ZSU, ka pynpaw ba katei ka dei kum ka jingthmu ban ia treilang bad ka Nagaland Students Federation (NSF), kaba dei ka seng synrop jong ka North East Students’ Organization (NESO).
Nalor ka NSF bad ka ZSU, ka All Assam Students’ Union (AASU) bad nangta ki seng bapher na Mizoram, ki la rai ban nym shim bynta satia ha kane ka jingrakhe Republic Day mynta u snem.