Shillong: Ka Bethany Society na Shillong ka la jop ha ka jingiakhun sdang ka Pool B jong ka 3rd North East Blind Football Tournament da 7-1 ia ka Moran Blind School na Dibrugarh ha ka jingiakhun kaba long ha Shillong Public School myn hynnin ka sngi.
U Gabriel u la thep san kol ia ka Bethany bad sa pynbud sa u Hilter ar kol bad u Neerav u thep kawei ia ka Assam.
Ha kawei ka jingialehkai, ka Handicapped Association ka Manipur ka la iakhaid bad ka Garo National Blind Football Club ha ka Pool A.
Kane ka jingialehkai kaba mar san ngut shiliang, ka la shongshit bha ba la wan sakhi bun.
Baroh ki 10 tylli ki kynhun kin iakhun lashai ka sngi naduh ka por 8:00 am.
Ha kane ka jingialehkai mynta ka sngi, la wan long kongsan u Deputy Director ka tnad ialehkai u JR Marak, ba la don lang ka kong Bertha Dkhar bad u Carmo Noronha na Bethany Society nalor u CEO ka Meghalaya Football Association u bah Arki Nongrum.