Tuid da ki phew hajar ngut sha ka Synod Mihngi ha Mynsoo

Shillong,16 Lber:
Da ki phew hajar ngut ki paid riewngeit ki la tuid sh aka ingiaseng Synod Mihngi ka ba la long ha ka Balang Presbyterian Mynsoo District Mynsoo , Shangpung Pres byteri. Katei ka jingiaseng ka la sdang naduh ka 13 tarik mynta u bnai bad ka la kut noh mynta ka sngi.Ka phang pdeng jong ka synod kaba la long mynta u snem ka long “To iaineh ha ka Jing long kawei (Eph:4:13)” katba ka phang pdeng balang pat ka long “Kaba tip kaba iohi bad kaba iohsngew ia ka jingud ki jingpynlong u Blei (Rom 8:22)”. Ia katei ka jingia seng la pyniaid da u Moderator ka Synod Mihngi u Rev.P.Surong ha ka por 10:30 mynstep la sam ia ka khubor na ka kten jong u Blei da u Rev D.R.S. Nongspung, pule bad du wai da u Rev P. Myrchiang bad laioh ruh ia ki jing rwai na ka Choir jong ka Balang Presbyterian Shangpung, Balang Presbyterian Um phyrnai, Balang Presbyterian Sutnga bad ka Balang Presbyterian Nongthym mai. Ha ka jingiaseng kaba –ar kaba la long ha ka por 1:30 baje nohphai sngi, lasam ia ka khubor na ka ktien u Blei da u Rev. T.Mukhim, pule bad duwai da u Rev.KL Tynsong, la ioh ia ki jingrwai na ki choir jong ka Balang Presbyterian Mynsoo, Balang Presbyterian Laban Standing Choir Shangpung bad Standing Choir KJP Synod Mihngi.Ia katei ka jingiaseng la wan sakhi ruh da ki nongmih khmat kum u ma V.H.Pala MP Lok sabha, Hopeful Bamon MLA bad la ia don lang ruh u bah P.S.Dkhar DC West Jaintia Hills bad u ma H.G.Lyngdoh SP West Jaintia Hills District.
Ha katei ka jingiaseng la ioh sngew ia ki jingialap na u Pastor Rev. T.Mukhim ha kaba u la pynsngew shaphang ka bamsap bad ka kwah spah jubor , “Ka spah kam long kaba sniew ka long ka jingiarap ia ngi bad ka Ri hi baroh kawei lada ngim pyndon kam bakla ia ka ,kaba sheptieng ka long ba ngi thaw ia ki lad ia ki lynti da ki bym dei tang na ka bynta ba ngin ioh spah. Ka sorkar ka ai shibun ki scheme bapher bapher ki ban iarap ia u paidbah kum ba ngi la iohi lyngba ki ladpathai khubor ,katba ha ki juh ki ladpathai khubor ngi la iohi ba la don shibun ki ba la pyndonkam bakla ia ka hok u Paidbah, shuh shuh la ioh sngew ruh ba ha ka por Election la don ruh ki kato katne kiba pyndon kam da ka pisa tang ban ioh ia ka wei ka Vote ,tangba ngi klet noh ia ka jinglong Khristan ka jong ngi na kata ka daw ka bamsap ka jyllei bha ha kane ka Ri ka jong ngi. Ka jingwad spah lyngba ka lynti ka bym dei ka long ka bym ia hap bad ka jinglong Khristan ka jong ngi” la ong u Rev.T Mukhim ha ka khubor ka jong u sha ki paid khristan kiba wan sha ka jingiaseng Synod kaba long mynta ka sngi ha ka Balang Presbyterian Mynsoo. U la ialap ia ka ktien u Blei da ka ba u ba shim na u Ioannis 4 lynnong, 5 ka dkhot ter ter.