23 tarik, yn ia kynduh ki seng riewlum

Shillong, 16 Lber:
U Chairman jong ka North East Regional Parties Forum (NERPF) uba dei ruh u myntri rangbah ka jylla Nagaland u N. Rio u la pynbna ba ha ka 23 tarik mynta u bnai baroh ki seng riewlum kin pynlong ka jingiakynduh lang ha Assam. U la ong ba kane ka jingiakynduh lang ka long ban wanrah ia ka jingiasngewthuh jingmut bad ka jylla Assam kaba long long kum ka hynmen jong baroh ki jylla ka thain shatei Lam mihngi. La ong ruh ba ha katei ka jingialang kin don don shibun, ki mat jingiakren kumno ban sain dur bad pynkylla thymmai ia ka thain shatei lam mihngi.
U chairman ka NERPF u la kdew ruh ba kum ki seng riewlum kiba rit ki dei ban ia tylli mlon ban ia khun tang na ka bynta ka juh ka thong ban wanrah ka jingmyntoi bad ka jingbha ka thain. U Myntri Rangbah ka Nagaland u la ong ruh ba na katei ka jingialang yn wanrah ia ka jingiasngewthuh jingmut hapdeng ka BJP bad ka AGP ki seng kiba don hapdeng ka jingbym ia sngewthuh jingmut bad ki la pra noh na ka jingiateh lok, khnang ba ka seng Congress kan ym ioh lad ban shim kabu.