Shillong: Ka Jingiaseng Ki Khun Ka Sohra Presbytery Shillong (KJKSPS) kan sa kynjoh sha u mawmer uba 25 snem jong ka jingiaid lynti kata naduh ba sdang seng ia ka ha ka 25tarik u Kyllalyngkot 1994. Kum ka Jingiaseng ka la iarai ban rakhe ia kane ka Jingdap 25 snem ne ka Silver Jubilee Celebration ha une u snem 2019 ha kaba yn rakhe baroh shi snem kata ia ka jingplie ha ka 25tarik Kyllalyngkot 2019 bad ka jing pynkut ha ka 1tarik Nohprah 2019. Ka Jingrakhe kan long baroh shi snem ha kiba bun ki programme ha kaba ka Theme jong kane Ka Silver Jubilee Celebration ka long “Haduh kane U Trai u la iarap ia ngi” 1 Samuel 7:12. Kane ka jingiaseng plie ne Opening Ceremony jong ka Silver Jubilee Celebration jong ka Jingiaseng ki Khun ka Sohra Presbytery Shillong (KJKSPS) kan long ha ka 25tarik Kyllalyngkot 2019 ha ka por 1:30 P.M ha Hall jong ka KJP Girls Higher Secondary School, Shillong.
Kumta la iawer ia baroh ki dkhot naduh ki Nongkitkam, Ki Dkhot Executive Committee bad ia baroh ki para dkhot kiba rim bad ba thymmai ban shim ia kane ka jingpyntip bad ban ia don lem ha katei ka sngi, ong ka kyrwoh na U Bah MP Mawkon, Secretary jong ka KJKSPS.