Shillong: Ka Meghalaya ka la pynliem ia ka Sikkim ha ka U-19 Cooch Behar Trophy ka plate group mynta ka sngi da 194 ron ha ka jingiakhun ha madan kriket ha Polo, Shillong.
Ka Meghalaya ka la kamai 192 ha ka inning ba nyngkong hynnin ka sngi, ha kaba ka Sikkim ka kamai 109.
Ha ka jingiakhun mynta ka sngi, ka Meghalaya ka la knieh nam tam 83 ron, ha kaba u Raghav Kapur u kamai 50 ron katba u Kush Agarwal (46). Baroh ka Meghalaya ka kamai 237 ron kaba mut ba ka tied 4.42 ron ha ka shi over.
Ka Sikkim ka donkam ban kamai 331 ron ban jop nad ka dang don ka por ban leh ia kane hynrei kam lah shan slem ban beh ia ka Meghalaya.
Ka Sikkim ka la lah ban kamai 126 ha kaba u Aryan u la kamai (5/35) ia ka Meghalaya. U Bipin u pynhap 2/26 nalor ka 6/32 ha ka inning ba nyngkong.
Kane ka dei ka jingjop kaba saw ia ka Meghalaya bad mynta ka kamai 26 point ban don ha ka kyrdan ba saw ha ka plate group.